ഭൂമി കൈയേറ്റത്തിലൂടെ പാവപ്പെട്ട കർഷകരുടെ കൃഷിഭൂമിയും മത്സ്യബന്ധന കുളങ്ങളും ഭീഷണിപ്പെടുത്തിയും വ്യാജ രേഖകൾ ചമച്ചും പിടിച്ചെടുത്തു. രാത്രികാലങ്ങളിൽ പാർട്ടി ഓഫീസുകളിൽ യോഗത്തിനെന്ന പേരിൽ സ്ത്രീകളെ നിർബന്ധിതമായി വിളിച്ചുവരുത്തി ലൈംഗികമായി പീഡിപ്പിച്ചിരുന്നതായി ഗ്രാമത്തിലെ നിരവധി സ്ത്രീകൾ പരസ്യമായി വെളിപ്പെടുത്തി. പോലീസിൽ പരാതി നൽകിയാൽ പോലും ഷാജഹാൻ ഷെയ്ഖിന്റെ ഗുണ്ടകൾക്ക് പോലീസ് തന്നെ വിവരങ്ങൾ ചോർത്തി നൽകുകയും പരാതിക്കാരെ വീണ്ടും ഉപദ്രവിക്കുകയും ചെയ്യുന്ന അവസ്ഥയായിരുന്നു.
"എല്ലാ സ്ത്രീകളും തയ്യാറാകൂ. ഇന്ന് രാത്രി ഒരു പാർട്ടി മീറ്റിംഗ് ഉണ്ട്...” ഈ വാക്കുകൾ കേട്ടാൽ ബംഗാളിലെ ആ ഗ്രാമങ്ങൾ മുഴുവൻ ഭയന്നു വിറയ്ക്കുമായിരുന്നു. കാരണം, അത് വെറുമൊരു പാർട്ടി മീറ്റിംഗ് ആയിരുന്നില്ല, മറിച്ച് സ്ത്രീകളുടെ മാനത്തിന്മേലുള്ള കടന്നുകയറ്റത്തിന്റെ തുടക്കമായിരുന്നു. രാത്രി വൈകി, വിവിധ പ്രദേശങ്ങളിൽ നിന്നുള്ള സ്ത്രീകളെ പാർട്ടി ഓഫീസിലേക്ക് വിളിപ്പിക്കും. അവരിൽ ചിലരെ തിരഞ്ഞെടുത്തു നഗ്നരാക്കി, പുലർച്ചെ വരെ നൃത്തം ചെയ്യാൻ നിർബന്ധിക്കുകയും, തുടർന്ന് ടിഎംസി ഗുണ്ടകളും നേതാക്കളും കൂടി ചേർന്ന് ക്രൂരമായി ലൈംഗിക പീഡനത്തിന് ഇരയാക്കുകയുമായിരുന്നു പതിവ്.
ഈ സങ്കൽപ്പിക്കാനാവാത്ത ക്രൂരതകൾ അരങ്ങേറിയത്. സുന്ദർബൻസ് നാഷണൽ പാർക്ക് ഉൾപ്പെടെയുള്ള ദ്വീപുകളും ചതുപ്പുനിലങ്ങളും നിറഞ്ഞ, ഏകദേശം ₹10,000 കോടി രൂപയുടെ വാർഷിക ബിസിനസുള്ള ഒരു പ്രധാന മത്സ്യബന്ധന കേന്ദ്രമാണിത്. ഇതെല്ലാം നിയന്ത്രിക്കാൻ ദൃഢനിശ്ചയം ചെയ്തത് സന്ദേശ്ഖാലിയിലെ ടിഎംസി ഗുണ്ടാ നേതാവ് ഷെയ്ഖ് ഷാജഹാൻ ആയിരുന്നു. അയാൾ ആദ്യം ലക്ഷ്യം വച്ചത് അവിടുത്തെ മത്സ്യബന്ധന മേഖലയെയായിരുന്നു. ഒന്നൊന്നായി മത്സ്യക്കുളങ്ങളുടെ നിയന്ത്രണം ഏറ്റെടുക്കുകയും, പിന്നീട് സാധാരണക്കാരുടെ ഭൂമി പിടിച്ചെടുത്ത് അവയെ മത്സ്യകൃഷി കേന്ദ്രങ്ങളാക്കി മാറ്റുകയും ചെയ്തു.
തദ്ദേശീയരായ പുരുഷന്മാരെ അടിമത്വത്തിൽ കെട്ടിയിട്ട തൊഴിലാളികളാക്കി മാറ്റി. ഇതിനെതിരെ ചെറുത്തുനിന്നവർ പോലീസ് കേസുകൾ നേരിടുകയോ സുന്ദർബൻസിലെ ചതുപ്പുനിലങ്ങളിലേക്ക് എന്നെന്നേക്കുമായി അപ്രത്യക്ഷരാകുകയോ ചെയ്തു. കഴിഞ്ഞ ദശകത്തിൽ അവിടെനിന്ന് കാണാതായ പുരുഷന്മാരുടെ എണ്ണത്തിന് ഇന്നും പൂർണ്ണമായ കണക്കില്ല. ഭയത്തിന്റെ തണലിൽ സ്ത്രീകളുടെ ഊഴം പുരുഷന്മാരെ അടിച്ചമർത്തിയ ശേഷം അടുത്ത ലക്ഷ്യം സ്ത്രീകളായിരുന്നു.
റവന്യൂ ഓഫീസുകൾ, ഫിഷറീസ് വകുപ്പ്, പഞ്ചായത്ത്, താലൂക്ക് ഓഫീസുകൾ തുടങ്ങി മുഴുവൻ സർക്കാർ സംവിധാനങ്ങളുടെയും നിയന്ത്രണം നേടുന്നതിനായി ഷാജഹാൻ ഷെയ്ഖ് പാർട്ടി ഓഫീസ് തന്നെ ഭീഷണിപ്പെടുത്തലിന്റെയും ചൂഷണത്തിന്റെയും കേന്ദ്രമാക്കി മാറ്റി.
ഗ്രാമങ്ങളിൽ നിന്നുള്ള സ്ത്രീകളെ "യോഗങ്ങൾ"ക്കായി വിളിച്ചുവരുത്തി അണിനിരത്തി, സന്ദേശ്ഖലിയിലെ ടിഎംസി പാർട്ടി ഓഫീസ് സന്ദർശിക്കുന്ന ഉദ്യോഗസ്ഥർ, ബിസിനസുകാർ, സമ്പന്നരായ പാർട്ടി നേതാക്കൾ എന്നിവർക്ക് സ്ത്രീകളെ പങ്കിട്ടു നൽകി. അവർക്ക് ഇഷ്ടമുള്ളപ്പോഴെല്ലാം ചൂഷണത്തിനായി ഈ പ്രദേശങ്ങളിൽ നിന്നുള്ള സ്ത്രീകളെ നൽകുന്ന ഒരു കേന്ദ്രമായി മാറി. സന്ദേശ്ഖാലി അക്ഷരാർത്ഥത്തിൽ ഒരു നരകമായി മാറി.
പോലീസ് തന്നെ ഈ അക്രമങ്ങളിൽ ഉൾപ്പെട്ടിരുന്നതായി ആരോപിക്കപ്പെടുന്നതിനാൽ ആളുകൾക്ക് പോലീസിൽ പരാതിപ്പെടാൻ പോലും കഴിഞ്ഞില്ല. "ഞങ്ങളെ ചൂഷണം ചെയ്യുന്ന അതേ പോലീസ് ഉദ്യോഗസ്ഥരോട് ഞങ്ങൾ എങ്ങനെ പരാതിപ്പെടും?" എന്നായിരുന്നു ഇരകളുടെ ചോദ്യം. ഒരു 13 വയസ്സുള്ള പെൺകുട്ടിയെ പോലും അവർ വെറുതെ വിട്ടില്ലെന്ന് പറയപ്പെടുന്നു. രണ്ട് ദിവസം മുമ്പ് മാത്രം ഭർത്താവിന്റെ വീട്ടിൽ എത്തിയ നവവധുവിനെ അവർ പീഡിപ്പിച്ചു. എട്ട് മാസം പ്രായമുള്ള കുഞ്ഞിന് പ്രസവിച്ച അമ്മയെ പോലും വെറുതെ വിട്ടില്ല, കുഞ്ഞിനെ പുറത്ത് ഉപേക്ഷിച്ച് അകത്ത് നൃത്തം ചെയ്യാൻ നിർബന്ധിച്ചു.
ആരും ശബ്ദമുയർത്താൻ ധൈര്യപ്പെട്ടില്ല,ഭയത്തിന്റെ സാഹചര്യം ബംഗ്ലാദേശ് അതിർത്തിക്കടുത്തുള്ള നോർത്ത് 24 പർഗാനാസ് ജില്ലയിലെ ഗ്രാമങ്ങളാണ് സന്ദേശ്ഖാലിയും ഹിംഗൽഗഞ്ചും. ഗ്രാമങ്ങളേക്കാൾ, അവ 60-ലധികം ചതുപ്പുനില ദ്വീപുകളുടെ കൂട്ടങ്ങളാണ്. അവയ്ക്ക് അരികിലൂടെ ഒഴുകുന്ന നദി ഇന്ത്യ-ബംഗ്ലാദേശ് അതിർത്തിയായി മാറുന്നു. ഇവിടെയുള്ള പല നിവാസികളും ബംഗ്ലാദേശിൽ നിന്നുള്ള മതുവ ദളിത് ഹിന്ദു അഭയാർത്ഥികളാണ്.
ഒന്നുമില്ലാത്ത ഈ ജനതക്ക്, വോട്ടർ ഐഡികൾ പോലും രാഷ്ട്രീയ പാർട്ടികൾ നൽകുന്ന ഔദാര്യമായി കാണപ്പെട്ടു. അനധികൃത കുടിയേറ്റക്കാർ എന്ന് മുദ്രകുത്തപ്പെടുമെന്ന ഭയത്തിലാണ് പലരും അപ്പോഴും ജീവിച്ചിരുന്നത്. പ്രത്യേകിച്ച് പോലീസ് പോലും ടിഎംസി വിശ്വസ്തരാണെന്ന് ആരോപിക്കപ്പെടുമ്പോൾ, അവർക്ക് എങ്ങനെ സംസാരിക്കാൻ ധൈര്യം ലഭിക്കും? അതിലും മോശം സാഹചര്യം, മതുവ സമുദായത്തിൽ നിന്നുള്ള നിരവധി പ്രാദേശിക നേതാക്കൾ ടിഎംസിയിൽ പെട്ടവരായിരുന്നു എന്നതാണ്. "വീട്ടുനായ തന്നെ കോഴികളെ തിന്നുമ്പോൾ, നിങ്ങൾ ആരോടാണ് പരാതിപ്പെടുക?" എന്ന അവസ്ഥയിലായിരുന്നു ജനങ്ങൾ. ടിഎംസി നേതാക്കൾ വർഷങ്ങളായി ഈ സാഹചര്യം മുതലെടുത്തു.
2024 ജനുവരിയിൽ, ഒരു കേസ് അന്വേഷിക്കാൻ ഇഡി ഉദ്യോഗസ്ഥർ എത്തിയപ്പോൾ, ഷാജഹാന്റെ അനുയായികൾ അവരെ ആക്രമിക്കുകയും ചെയ്തു. പിന്നീട് സിബിഐ രംഗത്തെത്തി, അയാൾക്കെതിരെ ഒന്നിലധികം കേസുകളിലെ അരോപണങ്ങൾ അന്വേഷിക്കാൻ തുടങ്ങി. എന്നാൽ ഒരു പ്രശ്നമുണ്ടായിരുന്നു: ഭയം കാരണം ആരും പരാതി നൽകാൻ തയ്യാറായില്ല. ഒടുവിൽ പ്രതികരണത്തിന്റെ ജ്വാല തെളിഞ്ഞു "രേഖ പത്ര" എന്ന സ്ത്രീ രംഗത്തു വന്നു ഈ അതിക്രമങ്ങൾക്കെതിരെ ഒടുവിൽ പ്രതികരിച്ചു തുടങ്ങി.
ആ നിർണായക നിമിഷത്തിൽ, താനും സഹ ഗ്രാമവാസികളും നേരിടുന്ന ലൈംഗിക അതിക്രമങ്ങളെ കുറിച്ച് ഔദ്യോഗികമായി പരാതിപ്പെട്ട ആദ്യത്തെ സ്ത്രീ രേഖ പത്രയായിരുന്നു. അവരുടെ ഒരൊറ്റ പരാതി കാരണം, ഭയം മാറി നിരവധി സ്ത്രീകൾ മുന്നോട്ട് വന്നു. നൂറിലധികം കേസുകൾ രജിസ്റ്റർ ചെയ്യപ്പെട്ടു. സ്ത്രീകൾ പ്രതിഷേധവുമായി തെരുവിലിറങ്ങി. ഇരകളെ പ്രോത്സാഹിപ്പിക്കാൻ ഗവർണർ പോലും നേരിട്ട് പ്രദേശം സന്ദർശിച്ചു. ഇതിനെതിരെ 2024-ന്റെ തുടക്കത്തിൽ സന്ദേശ്ഖാലിയിലെ സ്ത്രീകൾ വടികളുമായി തെരുവിലിറങ്ങുകയും വലിയ രീതിയിലുള്ള ജനകീയ പ്രക്ഷോഭം പൊട്ടിപ്പുറപ്പെടുകയും ചെയ്തു. തുടർന്ന് കോടതി ഇടപെടലുകളിലൂടെ കേസ് സി.ബി.ഐക്ക് കൈമാറുകയും മുഖ്യപ്രതിയായ ഷാജഹാൻ ഷെയ്ഖിനെ അറസ്റ്റ് ചെയ്യുകയും ചെയ്തു.
ഒടുവിൽ, ഷെയ്ഖ് ഷാജഹാനും അയാളുടെ നിരവധി കൂട്ടാളികളും ജയിലിലടയ്ക്കപ്പെട്ടതിനെ തുടർന്ന്, ജില്ലയിലെ പതിനഞ്ച് വർഷത്തെ കഷ്ടപ്പാടുകൾക്ക് അറുതിയായി. രേഖ പത്ര പിന്നീട് ബി ജെ പി സീറ്റിൽ ഹിംഗൽഗഞ്ചിൽ നിന്ന് തിരഞ്ഞെടുപ്പിൽ മത്സരിച്ച് വിജയിച്ചു. നോർത്ത് 24 പർഗാനകളിൽ 30% ത്തിലധികം മുസ്ലീം ജനസംഖ്യയുണ്ടെങ്കിലും, ജില്ലയിലെ 33 നിയോജകമണ്ഡലങ്ങളിൽ 22 എണ്ണവും ബിജെപി നേടി. മമത ബാനർജിയുടെ കിരാത ഭരണം അവസാനിപ്പിക്കാൻ വന്ന രേഖ പത്രയെ ജനങ്ങൾ "ദുർഗ്ഗാ ദേവിയുടെ അവതാരം" എന്ന് വിളിച്ചു.
കേരളത്തിലെ മാധ്യമങ്ങളുടെ ഇരട്ടത്താപ്പ്, മലയാളത്തിലെ മുഖ്യധാര മാധ്യമങ്ങൾ ഇതൊന്നും പറയില്ല, ബിജെപിയുടെ നെഗറ്റീവ് മാത്രം കാണിക്കാനാണ് അവർക്ക് താല്പര്യം. കേരളത്തിലെ മാധ്യമങ്ങൾ ആരെങ്കിലും ഇതിനെപ്പറ്റി ചർച്ച നടത്തിയോ? സന്ദേശ് ഖാലി എന്ന സംഭവം ദേശീയതലത്തിൽ വലിയ വിവാദമാവുകയും ദേശീയ വനിതാ കമ്മീഷനും കോടതികളും ഇടപെടുകയും ചെയ്തതിന് ശേഷമാണ് കേരളത്തിലെ പല മാധ്യമങ്ങളും ഇത് വാർത്തയായി നൽകാൻ പോലും തയ്യാറായത്.
ദേശീയ മാധ്യമങ്ങൾ വിറപ്പിച്ച ഒരു വാർത്തയെ കേരളീയ പൊതുസമൂഹത്തിന് മുന്നിൽ എത്തിക്കുന്നതിൽ ഇവിടുത്തെ മാധ്യമങ്ങൾക്ക് വലിയ രീതിയിലുള്ള ജാഗ്രതക്കുറവ് സംഭവിച്ചു എന്നത് വസ്തുതയാണ്. ഒരു വിഭാഗം മാധ്യമങ്ങൾ ഇത് ബോധപൂർവ്വം മുക്കിയതാണെന്ന സത്യം ശക്തമായി നിലനിൽക്കുന്നു. മാധ്യമങ്ങൾ ജനങ്ങളുടെ കണ്ണും കാതുമാകേണ്ടവയാണ്. എന്നാൽ രാഷ്ട്രീയ ലാഭനഷ്ടങ്ങൾ നോക്കി വാർത്തകളുടെ പ്രാധാന്യം നിശ്ചയിക്കപ്പെടുമ്പോൾ സന്ദേശ്ഖാലിയിലേത് പോലുള്ള ഇരകളുടെ ശബ്ദം ഇല്ലാതാക്കപ്പെടുന്നു.
വൈകിയാണെങ്കിലും സന്ദേശ്ഖാലിയിലെ ക്രൂരതകൾ പുറംലോകം അറിഞ്ഞതും പ്രതികൾ നിയമത്തിന് മുന്നിൽ എത്തിയതും അവിടുത്തെ സാധാരണക്കാരായ സ്ത്രീകളുടെ നിശ്ചയദാർഢ്യം കൊണ്ട് മാത്രമാണ്. ഇവിടുത്തെ പ്രതികൾ ഹിന്ദുക്കളും ഇരകൾ മുസ്ലീങ്ങളും ആയിരുന്നെങ്കിൽ അവർ വലിയ അന്തിച്ചർച്ചകൾ നടത്തി ജനങ്ങളെ പ്രകോപിപ്പിച്ചേനെ. പക്ഷേ ഇവിടെ പ്രതികൾ മുസ്ലിങ്ങളും ഇരകൾ ഹിന്ദുക്കളും ആയതുകൊണ്ട്, സ്വന്തം താല്പര്യങ്ങൾ സംരക്ഷിക്കാൻ വേണ്ടി ജീവിക്കുന്ന കേരളത്തിലെ മാധ്യമങ്ങൾ ഈ വിഷയം ചർച്ച ചെയ്യാതെ മുക്കുകയാണുണ്ടായത്.