ഓപ്പറേഷൻ സിന്ദൂർ അവസാനിച്ചിട്ടില്ല, ഭഗത് സിംഗിനെയും, സുഭാഷ് ചന്ദ്രബോസിനെയും പോലുള്ള രാജ്യസ്നേഹികളുടെ വീര്യമാണ് ഇന്നത്തെ ഇന്ത്യയുടെ കരുത്ത്.

ഒരു ആണവായുധ രാജ്യം മറ്റൊരു ആണവായുധ രാജ്യത്തിന്റെ ഉള്ളിൽ കയറി ഇത്രയും ശക്തമായൊരു സൈനിക നടപടി (Opration Sindhoor) നടത്തുക എന്നത് ആധുനിക യുദ്ധചരിത്രത്തിൽ തന്നെ അത്യപൂർവ്വമായ ഒന്നാണ്. ഭാരതം ഇന്ന് കൈവരിച്ചിരിക്കുന്ന സൈനികവും, നയതന്ത്രപരവും, കരുത്തിന്റെയും കൂടി തെളിവാണ് "ഓപ്പറേഷൻ സിന്ദൂർ".

1) ആണവ ശക്തികൾക്കിടയിലെ സൈനിക നടപടി

ലോകശക്തികളായ അമേരിക്കയോ റഷ്യയോ കോൾഡ് വാറിലും (സോവിയറ്റ് യൂണിയൻ) ഇപ്പോൾ പോലും നേരിട്ട് ഒരു ആണവ യുദ്ധത്തിലേക്ക് പോകാതെ ഒഴിഞ്ഞുമാറുമ്പോൾ, ഭീകരതയെ തകർക്കാൻ ശത്രുവിന്റെ മണ്ണിൽ കയറി ആക്രമിക്കാനുള്ള ഇന്ത്യയുടെ ചങ്കൂറ്റം ലോകത്തെ അത്ഭുതപ്പെടുത്തിയിട്ടുണ്ട്. "ആണവായുധം ഉണ്ട്" എന്ന പാകിസ്ഥാന്റെ ഭീഷണിയെ ഇന്ത്യയുടെ പ്രതിരോധ കവചങ്ങൾ (S-400- ആകാശ് NG) കൊണ്ട് നിഷ്പ്രഭമാക്കാൻ നമുക്ക് കഴിഞ്ഞു.

2) ആഭ്യന്തര സുരക്ഷയും ജനാധിപത്യവും

അയൽരാജ്യങ്ങളിൽ നടക്കുന്ന രാഷ്ട്രീയ അസ്ഥിരതകൾ ഇന്ത്യയിലും ആവർത്തിക്കുമെന്ന് കരുതുന്നവർക്ക് ഭാരതത്തിന്റെ ശക്തമായ ജനാധിപത്യ സംവിധാനങ്ങളും സൈനിക കരുത്തും വലിയൊരു മറുപടിയാണ്. ആഭ്യന്തരമായി ഭിന്നിപ്പുണ്ടാക്കാൻ ശ്രമിക്കുന്ന ശക്തികളെയും വിദേശ രാജ്യങ്ങളിൽ പോയി ഇന്ത്യയെ താഴ്ത്തിക്കെട്ടാൻ ശ്രമിക്കുന്നവരെയും ജനങ്ങൾ തിരിച്ചറിയുന്നുണ്ട്.

3) പുതിയ ഭാരതത്തിന്റെ നയം

പഴയകാലത്തെ വിട്ടുവീഴ്ചാ നയങ്ങളിൽ നിന്ന് മാറി, "അടിച്ചാൽ തിരിച്ചടിക്കും" എന്ന നയത്തിലേക്കും 'ആദ്യ പരിഗണന രാജ്യത്തിന്' (Nation First) എന്ന നിലപാടിലേക്കും ഭാരതം മാറിയിരിക്കുന്നു. ഭഗത് സിംഗിനെയും, സുഭാഷ് ചന്ദ്രബോസിനെയും പോലുള്ള രാജ്യസ്നേഹികളുടെ വീര്യമാണ് ഇന്നത്തെ ഇന്ത്യയുടെ കരുത്ത്.

4) വിദേശ ശക്തികൾക്കുള്ള മുന്നറിയിപ്പ്

അമേരിക്കയായാലും ചൈനയായാലും ഭാരതത്തിന്റെ ആഭ്യന്തര കാര്യങ്ങളിൽ ഇടപെടാൻ ശ്രമിച്ചാൽ അതിന് കൃത്യമായ മറുപടി ലഭിക്കുമെന്ന് ഇന്ന് ലോകത്തിനറിയാം. ഇറാനിലോ, വെനസ്വേലയിലോ, നേപ്പാളിലോ, ശ്രീലങ്കയിലോ, ബംഗ്ലാദേശിലോ നടപ്പിലാക്കിയ തന്ത്രങ്ങൾ ഇന്ത്യയിൽ ചെലവാകില്ല എന്ന തിരിച്ചറിവ് അവർക്കുണ്ട്. ഭാരതത്തിന്റെ ഈ പുതിയ മുഖം, പ്രതിരോധത്തിലും നയതന്ത്രത്തിലും ഒരേപോലെ തിളങ്ങുന്ന ഈ കരുത്ത് ഓരോ ഭാരതീയനിലും അഭിമാനമുണ്ടാക്കുന്നതാണ്. "ഓപ്പറേഷൻ സിന്ദൂർ" എന്ന ഈ ചരിത്രസംഭവം വരുംതലമുറകൾക്ക് വലിയൊരു പാഠമായിരിക്കും.