രണ്ടു മാസംമുമ്പ് മണിപ്പൂരിൽ കുക്കി കമ്മ്യൂണിറ്റിയിൽ നിന്നുള്ള രണ്ട് സ്ത്രീകളെ നഗ്‌നരാക്കി ലൈംഗികമായി പീഡിപ്പിക്കുന്നതിന്റെ വീഡിയോ ഇന്നലെ മുതൽ വൈറൽ ആയിരുന്നു. ശേഷം ഇന്ന് ഇരകളിൽ ഒരാളുടെ മൊഴി ഇന്ത്യൻ എക്സ്പ്രസ്സ് പുറത്തു വിട്ടു.
രണ്ട് സ്ത്രീകളെ, ഒരാൾക്ക് 20 വയസും മറ്റൊരാൾക്ക് 40 വയസും പ്രായമുണ്ട്, അവരെ ഒരു കൂട്ടം പുരുഷന്മാർ നഗ്നരായി റോഡിലൂടെയും വയലിലേക്ക് കൊണ്ടു പോകുന്നതാണ് വീഡിയോ. ചില പുരുഷന്മാർ രണ്ട് സ്ത്രീകളെയും ഒരു വയലിലേക്ക് വലിച്ചിഴച്ച് ബലമായി പിടിക്കുന്നുമുണ്ട്. മെയ് 18 ന് സമർപ്പിച്ച ഒരു പോലീസ് പരാതിയിൽ, ഇളയ സ്ത്രീയെ “പകൽ വെളിച്ചത്തിൽ ക്രൂരമായി കൂട്ടബലാത്സംഗം ചെയ്തു” എന്നും ഇരകൾ ആരോപിച്ചിരുന്നു.
കാങ്‌പോക്‌പി ജില്ലയിലെ തങ്ങളുടെ ഗ്രാമത്തെ ജനക്കൂട്ടം ആക്രമിച്ചതിനെ തുടർന്ന് അഭയാർത്ഥി വനത്തിലേക്ക് പലായനം ചെയ്തതായും പിന്നീട് തൗബാൽ പോലീസ് രക്ഷപ്പെടുത്തി പോലീസ് സ്റ്റേഷനിലേക്ക് കൊണ്ടു പോകുക ആയിരുന്നുവെന്നും എന്നാൽ ഒരു ജനക്കൂട്ടം വഴിയിൽ തടഞ്ഞു നിർത്തി പോലീസ് സ്റ്റേഷനിൽ നിന്ന് രണ്ട് കിലോമീറ്റർ അകലെ പോലീസ് കസ്റ്റഡിയിൽ നിന്ന് പിടികൂടിയെന്നും പരാതിയിൽ പറയുന്നു.
“ഞങ്ങളുടെ ഗ്രാമം ആക്രമിക്കുന്ന ജനക്കൂട്ടത്തോടൊപ്പം പോലീസും ഉണ്ടായിരുന്നു. പോലീസ് ഞങ്ങളെ വീടിനടുത്ത് നിന്ന് കൂട്ടിക്കൊണ്ടു പോയി, ഗ്രാമത്തിൽ നിന്ന് അൽപ്പം ദൂരെ ഞങ്ങളെ കൂട്ടിക്കൊണ്ടു പോയി ജനക്കൂട്ടത്തോടൊപ്പം വഴിയിൽ ഉപേക്ഷിച്ചു. ഞങ്ങളെ പോലീസ് അവർക്ക് ഏൽപ്പിച്ചു.
തങ്ങൾ അഞ്ച് പേർ ഒരുമിച്ച് അവിടെ ഉണ്ടായിരുന്നുവെന്ന് ഇരകൾ അവരുടെ പരാതിയിൽ പറഞ്ഞിരുന്നു: വീഡിയോയിൽ കാണുന്ന രണ്ട് സ്ത്രീകളെ കൂടാതെ 50 വയസ് പ്രായമുള്ള മറ്റൊരു സ്ത്രീയെയും നഗ്നരാക്കിയതായി അവർ ആരോപിക്കുന്നുണ്ട്, കൂടാതെ ഏറ്റവും പ്രായം കുറഞ്ഞ സ്ത്രീയുടെ അച്ഛനെയും സഹോദരനെയും ആൾക്കൂട്ടം കൊലപ്പെടുത്തിയെന്നാണ് ആരോപണം.
എല്ലാ പുരുഷന്മാരും കൊല്ലപ്പെട്ട ശേഷം, ജനക്കൂട്ടം അവർ ചെയ്തതുപോലെ, ഞങ്ങളെ അവിടെ ഉപേക്ഷിച്ച് പോയി. ശേഷം ഞങ്ങൾ രക്ഷപ്പെട്ടു, ”അവൾ പറഞ്ഞു. മണിപ്പൂരിൽ ഇന്റർനെറ്റ് ഇല്ല, ഞങ്ങൾക്കൊന്നുമറിയില്ല എന്നാണ് ആ സ്ത്രീ വീഡിയോയെ കുറിച്ച് പറയുന്നത്. ഇവരെ പീഡിപ്പിച്ച മെയ്‌തേയ് വിഭാഗത്തിൽ പെട്ട ഒരു ക്രിമിനൽ ഈ സ്ത്രീയുടെ സഹോദരന്റെ സുഹൃത്ത് ആയിരുന്നു എന്ന് ഇവർ പറയുന്നുണ്ട്. "ഗോത്രബോധം മനുഷ്യനെ എത്രമാത്രം ക്രൂരനാക്കുന്നു എന്നതിന്റെ തെളിവാണിത്".