അഗ്നിവീർ പരീക്ഷ ഏപ്രിൽ 17-ന്, അഡ്മിറ്റ് കാർഡ് പുറത്തിറക്കി ഇന്ത്യൻ സൈന്യം ഡൗൺലോഡ് ചെയ്യേണ്ടതിങ്ങനെ.. https://joinindianarmy.nic.in/Authentication.aspx എന്ന വെബ്‌സൈറ്റിൽ നിന്ന് അഡ്മിറ്റ് കാർഡ് ഡൗൺലോഡ് ചെയ്യാൻ കഴിയും. ജനറൽ ഡ്യൂട്ടി ജിഡി, ടെക്നിക്കൽ, ക്ലാർക്ക്, സ്റ്റോർ കീപ്പർ, ട്രേഡ്സ്മാൻ എന്നീ തസ്തികകളിലെ അഗ്‌നിവീരന്മാരുടെ റിക്രൂട്ട്മെന്റിനാണ് പരീക്ഷ നടക്കുന്നത്.
പരീക്ഷയ്‌ക്ക് എൻറോൾ ചെയ്ത ഉദ്യോഗാർത്ഥികൾക്ക് അഡ്മിറ്റ് കാർഡ് ഡൗൺലോഡ് ചെയ്യാം. അവ ഘട്ടം ഘട്ടമായി പുറത്തിറക്കും– ജനറൽ ഡ്യൂട്ടിക്കുള്ള ആദ്യ ലോട്ട് ഏപ്രിൽ 5 മുതൽ ലഭ്യമാക്കിയിട്ടുണ്ട്. മറ്റ് വിഭാഗങ്ങൾക്ക് അഡ്മിറ്റ് കാർഡുകൾ ഏപ്രിൽ 11 ന് ലഭ്യമാക്കും. ഓൺലൈൻ പരീക്ഷകൾ ഏപ്രിൽ 17-ന് ആരംഭിക്കും.
അഡ്മിറ്റ് കാർഡ് എങ്ങനെ ഡൗൺലോഡ് ചെയ്യാം?
■ https://joinindianarmy.nic.in/Authentication.aspx എന്ന വെബ്‌സൈറ്റിൽ കയറുക.
■ തുടർന്ന് ‘Admit card Agniveer 2023’ എന്ന് ഓപ്ഷനിൽ ക്ലിക്ക് ചെയ്യുക.
■ ലോഗിൻ വിവരങ്ങൾ നൽകുക.
■ തുടർന്ന് സ്‌ക്രീനിൽ അഡ്മിറ്റ് കാർഡ് ഡൗൺലോഡ് ചെയ്യാവുന്നതാണ്.