ഇന്ത്യയിലെ തമിഴ്‌നാട്ടിലെ അരിയലൂർ ജില്ലയിലെ ജയങ്കൊണ്ടത്തിനടുത്തുള്ള ഒരു ഗ്രാമമാണ് ഗംഗൈകൊണ്ട ചോളപുരം. ചോള രാജവംശത്തിന്റെ തലസ്ഥാനം.1025ൽ രാജേന്ദ്ര ചോള ഒന്നാമന്റെ ഭരണകാലത്ത് 250 വർഷത്തോളം ഗംഗൈകൊണ്ട ചോളപുരം ചോളതലസ്ഥാനമായിരുന്നു. പതിനൊന്നാം നൂറ്റാണ്ടിന്റെ തുടക്കത്തിൽ രാജരാജ ചോളന്റെ മകനും പിൻഗാമിയുമായ രാജേന്ദ്ര ചോളനാണ് ഈ ക്ഷേത്രം പണികഴിപ്പിച്ചത്. അദ്ദേഹത്തിന് "ഗംഗൈകൊണ്ട ചോളൻ" എന്ന മറ്റൊരു പേരുമുണ്ട് തലസ്ഥാനത്തിന് "ഗംഗൈകൊണ്ട ചോളപുരം" എന്നു പേരും ഇട്ടു.
ഈ ക്ഷേത്രത്തിലെ ശിവലിംഗമാണ് തമിഴ്‌നാട് ക്ഷേത്രങ്ങളിലെ ശിവ ലിംഗങ്ങളിൽ ഏറ്റവും വലുത്. നന്ദികേശ ഭഗവാനും, പ്രധാന ഗോപുരവും, പ്രവേശന കവാടവും കിഴക്കോട്ട് അഭിമുഖമാണ്. ക്ഷേത്രത്തിലെ പ്രധാന ഗോപുരം പണിതിരിക്കുന്നത് നമ്മെ അൽഭുതപ്പെടുത്തുന്ന രീതിയിലാണ്. ദിവസത്തിലെ ഏത് സമയത്തും ഗോപുരത്തിൻറെ നിഴൽ ഒരിക്കലും നിലത്തു വീഴില്ല.
വൈകുന്നേരങ്ങളിൽ നന്ദിയുടെ മുഖത്ത് സൂര്യൻ പ്രകാശിക്കുകയും ക്ഷേത്രത്തിനുള്ളിൽ പ്രകാശം പ്രതിഫലിക്കുകയും ചെയ്യുന്നു, അതായത് ശ്രീകോവിലിനുള്ളിലെ ശിവലിംഗത്തിൽ. ഈ സ്വർണ്ണവെളിച്ചം ക്ഷേത്രത്തിനുള്ളിലെ പ്രകാശം പരത്തുന്നത് വളരെ അത്ഭുതകരമാണ്. എല്ലാ ലൈറ്റുകളും അണച്ചതിന് ശേഷവും, നന്ദിയിൽ നിന്നുള്ള പ്രതിഫലനത്തോടെ, നമുക്ക് പ്രധാന ദേവനെ വ്യക്തമായി കാണാൻ കഴിയും. ഇത് അപൂർവ്വമായ ഒരു കാഴ്ചയാണ്.
11 അടി ഉയരവും 15 അടി നീളവുമാണ് നന്ദി മൂർത്തിക്ക്, പ്രധാന ഗോപുരത്തിന്റെ ഉയരം 182അടി. ശിവലിംഗത്തിന്റെ വലുപ്പം വളരെ വലുതാണ്. മറ്റൊരിടത്തും സമാന്തരം അല്ലാത്ത തമിഴ്‌നാട്ടിലെ ശില്പികളുടെ അപൂർവ്വ വൈദഗ്ധ്യത്തിന്റെ മികച്ച തെളിവിന് ഉദാഹരണമാണ് ഗോപുരത്തിലെ കലാസയുടെ നിഴൽ നിലത്തു വീഴുന്നില്ല എന്നുള്ളത്.
വേനൽക്കാലത്ത് ശ്രീകോവിലിനെ തണുപ്പിക്കാനും ശൈത്യകാലത്ത് ചൂടാക്കാനും വിചിത്രമായ സ്വഭാവമുള്ള ചന്ദ്രകാന്ത കല്ല് എന്ന അപൂർവ്വ കല്ല് ശിവലിംഗത്തിന് താഴെയായി സ്ഥാപിച്ചിട്ടുണ്ട്. അമ്മ പെരിയ നായകിയുടെ പേര് സൂചിപ്പിക്കുന്നത് പോലെ 9.5 അടി ഉയരമുണ്ട് അമ്മയുടെ ശില്പത്തിന്. താമരയുടെ ആകൃതിയിൽ ഒരൊറ്റ കല്ലുകൊണ്ട് നിർമ്മിച്ചതാണ് നവഗ്രഹങ്ങൾ. ഇത് ക്ഷേത്രത്തിലെ മറ്റ് അപൂർവ്വതകളിൽ ഒന്നാണ്.