തിയറ്ററുകളിൽ ചിരി പടർത്തി ‘ന്നാ താൻ കേസ് കൊട്’ ജൈത്രയാത്ര തുടരുകയാണ്. ഇപ്പോൾ 50 കോടി ക്ലബ്ബിൽ ഇടം നേടിയിരിക്കുകയാണ് ഈ കുഞ്ചാക്കോ ബോബൻ ചിത്രം ‘ന്നാ താൻ കേസ് കൊട’. ഫേസ്ബുക്കിലൂടെ താരം തന്നെയാണ് ഈ സന്തോഷ വിവരം പങ്കുവെച്ചിരിക്കുന്നത്.
50 കോടി അടിച്ചേ എന്ന് എഴുതിയ പോസ്റ്ററിനൊപ്പമാണ് കുഞ്ചാക്കോ ബോബൻ ചിത്രം 50 കോടിയുടെ നേട്ടം സ്വന്തമാക്കിയതായി അറിയിച്ചത്. സിനിമയെ ഹൃദയത്തിലേറ്റിയ പ്രേഷകർക്ക് അദ്ദേഹം ഫേസ്ബുക്കിലൂടെ നന്ദി പറഞ്ഞു. പ്രേഷകരുടെ സ്നേഹവും പിന്തുണയും അത്ഭുതം സൃഷ്ടിച്ചെന്നും കുഞ്ചാക്കോ ബോബൻ വ്യക്തമാക്കി.
'ന്നാ താൻ കേസ് കൊട്’ ഒരു വലിയ വിജയമാക്കിയ പ്രേഷകർക്ക് നന്ദി. നിങ്ങളുടെ സ്നേഹവും പിന്തുണയും വലിയ അത്ഭുതമാണ് സൃഷ്ടിച്ചത്. ‘ന്നാ താൻ കേസ് കൊട്’ 50 കോടി പിന്നിട്ടിരിക്കുന്നുവെന്നും കുഞ്ചാക്കോ ബോബൻ ഫേസ്ബുക്കിൽ കുറിച്ചു.
റിലീസ് ദിനത്തൽ തന്നെ ഏറെ ചർച്ചയ്‌ക്ക് വഴിയൊരുക്കിയ ചിത്രമായിരുന്നു ‘ന്നാ താൻ കേസ് കൊട്’. റോഡിലെ കുഴിയെക്കുറിച്ച് സിനിമയുടെ പോസ്റ്ററിൽ പരാമർശിച്ചതിനെ തുടർന്ന് രൂക്ഷമായ സൈബർ സഖാക്കളുടെ ആക്രമണമായിരുന്നു സിനിമയ്‌ക്കും, കുഞ്ചാക്കോ ബോബനുമെതിരെ ഉണ്ടായത്. എന്നാൽ സഖാക്കളുടെ ഡീഗ്രേഡിംഗിനെ കാറ്റിൽ പറത്തി ആദ്യ ദിനം തന്നെ സിനിമ വലിയ പ്രേഷക പ്രീതി നേടിയിരുന്നു.